Patay ang isang 23-anyos na rider matapos masagasaan ng isang dump truck sa kahabaan ng provincial road sa Barangay Canjalon, San Fernando, Romblon nitong Martes ng hapon, Setyembre 9.
Lumalabas sa imbestigasyon ng San Fernando Municipal Police Station, bandang 1:45 ng hapon habang binabaybay ng biktima ang nasabing kalsada, nag-overtake umano siya sa isang Sinotruk Howo 10-wheeler dump truck na may kargang halos 50 metric tons na graba. Sa proseso, nawalan ng kontrol ang rider at nasagi ang naturang truck, dahilan para siya’y matumba at magulungan. Agad itong nasawi sa lugar.
Naaresto naman ang driver ng truck na residente ng Barangay Camandag, Looc, Romblon at pansamantalang nakatalaga sa Sibuyan upang magtrabaho.
Ayon sa pulisya, mahaharap ang driver sa kasong Reckless Imprudence Resulting in Homicide and Damage to Property.
Erratum: Aming inupdate ang detalye base sa impormasyon mula sa San Fernando Municipal Police Station
