Most Wanted sa MIMAROPA, nadakip sa Romblon

Naaresto ang ika-sampu sa listahan ng most wanted person ng MIMAROPA sa isinagawang one-day anti-crime operation ng Police Regional Office MIMAROPA sa pamumuno ni PBGEN Roel Rodolfo nitong Linggo, Setyembre 7.

Kinilala ng pulisya ang pangunahing suspek na si “Robert,” 57 anyos, na nadakip sa Barangay Agtiwa, San Fernando, Romblon.

Batay sa ulat, mayroon itong warrant of arrest mula sa Regional Trial Court, Branch 106 sa Cajidiocan para sa kasong Qualified Rape through Sexual Assault na walang piyansa.

Ang operasyon ay isinagawa ng CIDG Romblon PFU, San Fernando MPS, RIU 4B, CIT Romblon RID 4B, at Romblon PPO PIU.

Kasalukuyan nang nasa kustodiya ng pulisya ang suspek at nakatakdang isailalim sa tamang proseso at dalhin sa kani-kanilang korte.