Isang truck ang nasunog sa bahagi ng Salingsing, San Agustin, Romblon madaling araw ng Sabado, August 16.
Ayon sa ulat, ang truck na may plakang NBL 4130 na minamaneho ni Manuel Tumaga, residente ng San Andres, ang nasunog habang bumibiyahe.
ADVERTISEMENT
Nakaligtas naman agad ang mga sakay ng truck bago pa man lumaki ang sunog kaya walang naiulat na nasaktan sa insidente.
Idineklarang fire out ang sunog ng Bureau of Fire Protection bandang 1:05 ng madaling araw. Patuloy pang iniimbestigahan ng mga awtoridad ang pinagmulan ng apoy.
