Isang 30-anyos na lalaki ang nadisgrasya habang nagmamaneho ng motorsiklo sa national highway ng Barangay Poblacion, San Andres, Romblon bandang 7:31 kagabi, July 17.
Kinilala ang biktima na si Paterno Cortez, residente ng nasabing bayan.
Ayon sa mga saksi, biglang tumawid ang isang aso sa kalsada dahilan upang mawalan ng kontrol ang biktima sa kaniyang motorsiklo at bumagsak sa daan.
ADVERTISEMENT
Agad naman siyang tinulungan ng mga nakasaksi sa biktima.
Sa isinagawang pagsusuri ng mga kapulisang nag responde sa aksidente, napag-alamang nasa impluwensya ng alak ang biktima habang nagmamaneho.
Patuloy na pinaalalahanan ng pulisya ang mga motorista na maging mapagmatyag sa daan at iwasan ang pagmamaneho habang naka-inom upang maiwasan ang aksidente.
