Natapos na ng Commission on Elections (Comelec), na kumikilos bilang National Board of Canvassers (NBOC), ang opisyal na pagbibilang ng boto para sa mga senador at party-list group sa katatapos na midterm elections noong Mayo 12.
Batay sa inilabas na National Certificate of Canvass (NCOC), narito ang 12 kandidatong pumasok sa tinaguriang “Magic 12”:
- Sen. Bong Go – 27,121,073 boto
- Dating Sen. Bam Aquino – 20,971,899
- Sen. Ronald dela Rosa – 20,773,946
- Rep. Erwin Tulfo (ACT-CIS) – 17,118,881
- Dating Sen. Francis Pangilinan – 15,343,229
- Rep. Rodante Marcoleta (SAGIP) – 15,250,723
- Dating Sen. Panfilo Lacson – 15,106,111
- Dating Senate President Vicente Sotto III – 14,832,996
- Sen. Pia Cayetano – 14,573,430
- Rep. Camille Villar – 13,651,274
- Sen. Lito Lapid – 13,394,102
- Sen. Imee Marcos – 13,339,227
Samantala, nanguna naman sa party-list race ang mga sumusunod:
- Akbayan – 2,779,621 boto
- Duterte Youth – 2,338,564
- Tingog – 1,822,708
- 4Ps – 1,469,571
- ACT-CIS – 1,239,930
- Ako Bicol – 1,073,119
Umabot sa kabuuang 175 certificates of canvass (COCs) ang na-canvass ng Comelec mula Martes hanggang Huwebes, kabilang ang mula sa overseas voting.
Ayon kay Comelec Chairperson George Garcia, nakatakdang ganapin ang proklamasyon ng mga nanalong senador sa Sabado ng hapon. Aniya, inaasahan ding maglalabas ang Comelec ng opisyal na resolusyon kaugnay ng proklamasyon sa Biyernes.
