Muling kinilala ang Bon Bon Beach bilang isa sa pinakamagagandang dalampasigan sa mundo, ayon sa World’s 50 Best Beaches para sa 2025. Umangat ito sa ika-38 pwesto mula sa ika-45 noong 2024.
Kasama rin sa listahan ang Entalula Beach sa El Nido, Palawan na pumangalawa ngayong taon.
ADVERTISEMENT
Kilalang tampok ng Bon Bon Beach ang natural na sandbar na nag-uugnay sa Bangug Island, pati na rin ang pino at maputing buhangin at malinaw na tubig — perpekto para sa mga nais ng tahimik at likas na bakasyunan.
Ang listahan ay binubuo gamit ang boto ng libu-libong travel professionals, journalists, at beach ambassadors, batay sa walong pamantayan kabilang ang natural na kagandahan, wildlife presence, at kapayapaan ng lugar.
