Nakakaranas ng kawalan ng supply ng tubig ang mga residente ng Barangay Tulay, Budiong, Poctoy, at sa Poblacion sa Odiongan, Romblon matapos maputol ang transmission line ng Odiongan Water District (OWD) dahil sa landslide.
Ang landslide ay dulot ng pag-uulang nararanasan sa bayan dahil sa habagat na pinalakas ng bagyong Betty.
Ayon sa kalatas ng OWD, inaayos na ng kanilang tauhan ang nasirang transmission line ngunit wala pang eksaktong oras kung kailan babalik ang daloy ng tubig sa bayan.
Samantala, magrarasyon ng tubig bukas ang OWD at ang Odiongan Fire Station sa mga apektadong lugar.
Ito ay para may magamit ang mga residente ng kalakhang Poblacion sa Odiongan.
