Kamakailan ay namahagi ang mga tauhan ng Odiongan Municipal Police Station (Odiongan MPS) ng mga school supplies sa mga batang mag-aaral sa Sito Boliganay, Brgy. Panique sa bayan ng Odiongan, Romblon.
Ito ay bahagi ng programang BARANGAYanihan ng pulisya na may temang “Alay ni Tay at Nay”, na naglalayong mas mapalapit ang gobyerno sa mga tao na nasa malalayong lugar upang malayo sila sa insurhensiya.
Kasama ng mga kapulisan ang ilang kabataan na miyembro ng Kabataan Kontra Droga at Terorismo (KKDAT) na tumulong rin sa pamamahagi ng mga school supplies.
Nagbigay rin sila ng mga packed groceries sa mga magulang ng mga batang benepisyaryo.
Ayon sa Odiongan MPS, aabot sa 40 na mga mag-aaral ang nakatanggap ng mga gamit mula sa kanila.
