Binigay ng taumbayan ang hinahanap ng isang lasing sa Barangay Gabawan sa Odiongan, ito ay ang suntukan. Nagwala kasi ito sa sobrang kalasingan at nagsisigaw sabay hamon sa lahat ng suntukan.
Sinubukang awatin ng mga nakatambay sa Sitio Bulwang ang suspek na kinilalang si Joseph Ramilo ngunit hindi ito nagpapigil.
Dahil gumagawa na ng gulo, pinagtulungan ito ng mga residente ng nabanggit ng lugar hanggang sa maaresto ng mga opisyal ng barangay at kalaunay ibinigay sa mga tauhan ng pulisya.
Habang inaaresto, nagawa pa ng suspek na magsisigaw at magsabi ng mga masasamang salita laban sa mga pulis. Nagawa rin nitong manipa ng isang pulis dahilan upang siya ay makasuhan ng Resistance and Disobedience to an Agent of Person in Authority at Direct Assault.
Iba pa ito sa kahaharapin niyang Alarm and Scandal.
Nakakulong na ngayon si Ramilo sa Odiongan Municipal Police Station.
