Nagsasagawa na rin ng parallel investigation ang mga tauhan ng National Bureau of Investigation (NBI) – Mimaropa para matukoy kung sino ang may kagagawan sa pagpaslang kay incumbent second district board member Robert Maulion noong nakaraang Sabado.
Ayon sa source ng Romblon News Network, hiniling ng pamilya ni Maulion ang parallel investigation para mapabilis ang pagpapanagot sa may kagagawan sa krimen.
Kinumpirma rin ito ni Police Captain Manuel Fernandez Jr., hepe ng Odiongan Municipal Police Station nitong Huwebes sa eksklusibong panayam ng RNN sa kanya.
Aniya, may dalawang tauhan ng NBI-Mimaropa ang dumating sa Odiongan para mag-imbestiga at ang Specila Investigation Task Group Maulion na binuo ng Romblon Police Provincial Office ay nakikipag-ugnayan sa kanila.
“Ang NBI naman at SITG Maulion ay may coordination naman. Kami ay nagtutulungan sa bawa’t isa at isa lang rin naman ang layunin namin dito: Ang makilala, maaresto, at masampahan ng kaso, ang taong may kagagagawan sa pagpaslang kay SP Maulion,” pahayag ni Captain Fernandez.
