Wagi sa katatapos lang na Stat Quiz Contest sa 1st Mimaropa Data Festival ang isang mag-aaral ng Romblon State University na si Ms. Shekinah Anne Cayat.
Ang 1st Mimaropa Data Festival ay inorganisa ng Philippine Statistics Authority (PSA) – Mimaropa na ginanap sa Filipiniana Hotel sa Calapan City, Oriental Mindoro.
Tinalo ni Cayat ang mga kinatawan ng sampung colleges at universities mula sa iba’t ibang probinsya sa rehiyon.
ADVERTISEMENT
Si Cayat ay kumukuha ng Bachelor of Science in Agricultural and Biosystems Engineering (BSABE) sa College of Engineering and Technology ng Romblon State University.
Bukas, muling lalaban si Cayat para naman sa Regional PSA Quiz Bee kung saan ang mananalo ay ilalaban sa National level.
