Ipinakita na sa publiko ng Maritime Industry Authority (MARINA) ang kauna-unahang roll-on / roll-off (RoRo) vessel na gawa ng mga Filipino shipbuilders at ginawa mismo dito sa Pilipinas.
Ito ay ang M/V Isla Simara ng Josefa Slipways Incorporated and Shogun Ships Corporation.
Ang M/V Isla Simara ay isang 468-seater na Roro vessel na may rampang 12 meters, pinakamahabang rampa sa buong Pilipinas.
May sukat itong 72 meters na haba, 16 meters na breadth, at 16 rally cargoes.
Ayon kay Vicente Cordero, chairman ng Shogun Ships Co. Inc., ang pangalan ng M/V Isla Simara ay nagmula sa Simara Island, isang maliit na island municipality sa lalawigan ng Romblon. Patunay umano ito na kayang-kayang ng mga Pinoy gumawa ng sarili nating mga barko kagaya ng M/V Isla Simara.
