Posibleng maputulan ng paa ang isang menor de edad sa Santa Maria, Romblon matapos itong maaksidente sa kahabaan ng Tablas Isl. Circumferential Rd. sa Sitio Tuburan sa Barangay Concepcion Norte nitong gabi ng Lunes.
Ayon sa mga nakasaksi sa aksidente, mabilis umano ang patakbo ng rider at bigla umanong nawalan ng kontrol sa sasakyan hanggang sa sumadsad sa isang steel barrier na nasa gilid ng kalsada.
Naipit ang paa ng grade 12 student sa gitna ng motor at sa steel barrier kaya pahirapan ang pag rescue sa biktima.
Agad naman itong isinakay sa patrol ng Santa Maria Municipal Police Station para isugod sa pinakamalapit na ospital.
Ayon sa imbestigasyon ng pulisya, walang suot na helmet at posibleng walang lisensya ang nasabing menor de edad.
Nanalingin naman mga kaibigan at mga kamag-anak ng biktima para sa mabilis na pagganda ng kalagayan ng rider na menor de edad.
Paalala ng pulisya, ugaliing maging maingat sa tuwing nagmamaneho sa mga national road lalo na tuwing gabi.
