Makakaranas ng dalawa hanggang sa tatlong oras na brownout ang isla ng Romblon, Romblon simula ngayong araw, ayon sa pamunuan ng Romblon Electric Cooperative Inc..
Dahil umano ito sa ipinatutupad nilang load shedding sa isla, sanhi ng kakulangan ng supply ng kuryente kasunod ng pagkasira ng isang makina ng National Power Corporation sa lugar.
“Ang bawat brownout po ay magtatagal ng dalawa hanggang tatlong oras (2-3 hours) sa inyong mga lugar simula sa oras na mag power shut down ang mga kuryente sa inyong barangay,” ayon sa post ng Official Facebook Acount ng ROMELCO.
Humingi ng pasensya ang ROMELCO dahil sa mararanasang brownout sa isla.
“Kami po ay humihingi ng paumanhin sa hindi inaasahang sitwasyon na ganito. Ang agarang solusyon ay mabilis pong ipinatutupad upang maibalik ang normal na operasyon sa ating lahat,” dagdag pa sa post.
