Itinalaga ni President Rodrigo Duterte ang Romblomanon na si Jose Sylton Villanueva Solidum bilang bagong Assistant Cabinet Secretary sa ilalim ng Office of the Cabinet Secretariat, Office of the President, inanunsyo ito ng Malacañang nitong Martes, May 21.
Si Solidum ay nagtrabaho dati sa National Electrification Administration bago lumipat sa Office of the Cabinet Secretariat.
Kasama ni Solidum na itinalaga sa bagong pwesto ni Duterte ay sina Mudjib Compania Abu na bagong miyembro ng Bangsamoro Transition Authority (BTA), pumalit sa yumaong si Moro Islamic Liberation Front (MILF) vice chair Ghazali Jaafar.
Itinalaga rin ni Duterte si Pastor Grepor Belgica bilang bagong presidential adviser para sa religious affairs at dating special envoy sa China Fernando Borja bilang bagong special envoy sa Japan para sa business at investment promotion sa loob ng anim na buwan.
Ni-renew rin ni Pangulong Duterte ang appointment ni Almarim Tillah bilang special envoy of the President sa Organization of Islamic Cooperation.