Inilunsad na sa bayan ng Banton nitong Martes, January 22, ang kampanya ng Philippine National Police (PNP) na ‘clean rider campaign’, kampanya para masawata ang mga motorcycle riding suspects.
Sa ginanap na simultaneous launching ceremony pinangunahan ni Police Senior Inspector Chisi Faderagao ang paglulunsad ng kampanya sa harap ng Banton Municipal Police Station.
Ilang rider ang kinabitan ng clean rider stickers ng pulisya, ang mga may stickers na motorsiklo ay nagpapatunay na may kompletong rehistro ang mga nasabing motorsiklo sa Land Transportation Office (LTO).
Sa mga naunang pahayag ni PNP Chief P/Director General Oscar Albayalde, sinabi niya na ito ay ‘for more vigorous, focused, and effective campaign to totally eliminate crimes committed by motorcycle riding suspects or MRS’.
Matapos magkabit ng stickers, sinundan ito ng motorcade sa paikot sa bayan.
