Tatlong Overseas Filipino Workers (OFW) na nagbalik ng Oriental Mindoro ang nakatanggap ng cash assistance nitong January 04 mula sa Balik Pinas, Balik Hanapbuhay program ng Depatment of Labor and Employment (DOLE) – Overseas Workers Welfare Administration 4B.
Pinangunahan ni DOLE MIMAROPA’s Regional Director Joel Gonzales, kasama si OWWA Program Officer Mr. Tristan Arvin Perez ang pag-award ng cash assistance sa tatlong returning OFW.
Nakatanggap sila ng cheque na nagkakahalaga ng P20,000 na magagamit nila bilang kapital sa pagsisimula ng kanilang hanapbuhay dito sa Pilipinas.
Ang Balik Pinas, Balik Hanapbuhay program ng DOLE ay nagbibigay ng livelihood assistance sa mga OFWs na nakaranas ng problema sa kanilang pagtatrabaho sa ibang bansa katulad ng hindi pagkakatapos ng kanilang kontrato doon.
Malaking tulong ito para sa mga nagbabalik na OFW para may magamit na pang-business habang hindi pa nakakahanap ng bagong oportunidad dito sa Pilipinas.
Siyam na benepisyaryo naman ng Education for Development Scholarship Program (EDSP), OFW Dependent Scholarship Program (ODSP), at Education and Livelihood Assistance Program (ELAP), ang nabigyan nila ng scholarship assitance nitong January.
Ang EDSP at ODSP ay scholarship assitance para sa mga qualified dependents ng mga active OWWA members na gustong pag-aralin ang kanilang mga anak sa four-year o five-year baccalaureate course sa college at universities.
ELAP naman ang tawag sa programang nagbibigay ng financial, at educational assistance sa mga qualified dependents ng namayapang isang active OFW.
