Hindi na umabot ng buhay sa Rural Health Center ng Concepcion, Romblon ang Barangay Captain na si Benerio Atillano matapos pagtatagain ng suspek na sinisingil lang nila sa bayad sa tubig nitong Martes ng umaga.
Ayon sa spot report na nakarating sa opisina ni Senior Inspector Ledilyn Ambonan, nasa Barangay Masadya si Kapatin kasama ang colector na nag ngangalang Benjamin Fadera para maningil ngbayad sa tubig dahil deadline na umano.
Pagdating nila sa bahay ng suspek na si Alfred Mendeja Gacelo, 54, siningil nila ang suspek at ibinigay naman umano ng maayos ang bayad.
Dumiretso ng main pipe ang kasama ni Atillano ngunit pagbalik nito’y nag-aaway na umano ang biktima at ang suspek. Ayon sa report ng pulisya, nakita umano ni Fadera na nag-aagawan na ng bolo ang suspek at biktima hanggang sa pagtatagain at pagsasakin ito ng suspek.
Naaresto naman sa isang operation ng mga tauhan ng Concepcion Municipal Police Stataion ang suspek at narekober rin ang bolo na ginamit sa krimen.
Ayon sa suspek, matagal ng alitan ang dahilan ng kanyang pag-aamok.
