Pinangunahan ng National Historical Commission of the Philippines ang paglalantad sa publiko nitong Miyerkules, October 03, ang isang itinayong historical marker bilang pagkilala sa Filipino historian na si Prog. Gabriel Fabella sa bayan ng Banton.
Dinaluhan ito ng mga representative mula sa National Historical Commission of the Philippines, mga kawani ng Local Government Unit ng Banton, at mga residente sa lugar.
Si Gabriel Fabella ay isinilang noong March 18, 1898 sa bayan ng Banton, Romblon. Naging guro ito noong 1920 at naging Abogado naman nong 1934. Nahalal bilang kinatawan ng lalawigan ng Romblon noong 1935.
Si Fabella rin ay nakapag-uwi ng kopya mula sa United States ng Philippine Insurgent Records, isang napakahalagang sanggunian tungkol sa kasaysayan ng rebolusyon noong 1954.
Isa rin siya sa nagtatag ng Philippine Historical Association noong 1955 at nanguna sa pagkampanya na maibalik ang paggunita ng Araw ng Kasarilan ng Pilipinas sa June 12.
