Ilang graduate nanaman ng Romblon State University ang nakapasa sa katatapos lang na August 2018 Mechanical Engineer Licensure Examination ayon sa Professional Regulation Commission (PRC).
Ginanap ang exam sa mga lugar ng Manila, Baguio, Cagayan De Oro, Cebu, Davao at Lucena nitong August 25 at 26 kung saan aabot sa 8 sa 30 na kumuha ng licensure exam na graduate ng Romblon State University College of Engineering and Technology ang nakapasa.
Ayon sa College of Engineering and Technology, ang mga nakapasa ay sina Engr. Lawrence Bantugan, Engr. Arnel Elisan, Engr. Eugene Kurt Fabregas, Engr. Crisanto Fortu, Engr. Junipoe Galicia, Engr. Pauline Manikan, Engr. Morris Catalino, at Engr. John Mar Musa.
Sa pangkalahatan aabot sa 3,092 ng 5,084 ang nakapasa sa August 2018 Mechanical Engineer Licensure Examination ayon sa PRC.
Ayon sa Professional Regulation Commission (PRC), kanilang iaanunsyo sa kanilang website ang araw ng oathtaking ng mga nakapasa.
