Kinundena ng grupo ng League of Municipalities of the Philippines (LMP) ang sunod-sunod na pagpaslang sa mga miyembro nilang Mayors sa iba't ibang bahagi ng bansa nitong nakalipas na mga araw.
Sa isang statement sinabi ng LMP, sinabi nila na ‘Our country is governed by laws and not upon the caprices of men'.
Sinabi ng LMP na kung may nagawa mang mali ang mga elected officials dapat sila umano ay idaan sa korte para malaman kung guilty at kung dapat bang parusahan ang mga nagkamaling alkalde.
“The rule of law mandates that man should not put the law into ones own hands, or, he will become a criminal himself punishable according to law.' dagdag sa statement ng LMP.
Hiniling rin ng LMP sa Philippine National Police at sa National Bureau of Investigation na bigyan ng hustisya ang pagkamatay nina General Tinio, Nueva Ecija Mayor Ferdinand Bote at Tanauan, Batangas Mayor Antonio Halili.
Hindi mandato ng PNP na magbigay ng security details sa mga Mayors – Mayor Bañares
Sa programang The Chiefs ng One News Channel sa Cignal, sinabi ni LMP Public Relations Officer Hon. Rachel M. Banares, Mayor ng Corcuera, Romblon, na hindi umano mandato ng Philippine National Polie na bigyan ng escort ang mga Mayors.
“Ang pag-deputize po ng Napolcom sa mga Mayors para magkaroon ng supervision over the PNP Personnel ay para lang sa peace and order sa locality. Pwede nating utusan ang mga pulis para habulin ang mga masasamang loob, pero para i-detail personnaly po sa amin, ay parang hindi po ito kasama,” pahayag ng alkalde.
Ngunit sinabi nito na gustong hilingin ni LMP National President Hon. Maria Fe Villar-Brondial sa Pangulo at sa DILG na bigyan ng kahit dalawang pulice escorts ang mga Mayors.
