Hinahangaan ngayon sa bayan ng San Andres, Romblon ang isang grade 11 student na nagsauli ng napulot nitong wallet nitong nakaraang araw.
Siya si Marvin D. Aungon, residente ng Barangay Agpudlos, San Andres, Romblon at isang estudyante ng San Andres National High School.
Nang matagpuan ni Marvin ang wallet, hindi niya na ito binuklat at pinagkainteres kundi dinala niya agad ito sa Barangay Hall ng Barangay Agpudlos para ihabilin para maisuli sa may-ari.
Ang nasabing wallet ay may lamang cash, at mga papeles na pagmamay-ari ni Muinicipal Tourism Officer Joey Juliano.
Nitong Lunes, pinatawag si Marvin sa flag raising ceremony ng Munisipyo ng San Andres kung saan kinilala ang pagpapakita nito ng magandang asal at bilang gantimpala ay ginawa siyang scholar ng munisipyo para sa susunod na school year.
