Nag-inspeksyon nitong Lunes ang mga tauhan ng DOTr's Land Transportation Office – Romblon sa mga jeep na nagsasakay ng mga pasahero sa loob ng mga pantalan sa Poctoy sa Odiongan at sa Santa Fe.
Ang nasabing inspeksyon ay bahagi ng kanilang Oplan Ligtas Biyahe sa Seman Santa 2018 para maiwasan ang ano mang mga disgrasya na maaring idulot ng pagkukulang sa mga sasakyan.
Nag-inspeksyon rin ang LTO-Romblon sa mga jeep na nasa loob naman ng terminal sa Odiongan Public Market at namigay ng road safety flyers sa mga pasaherong biyaheng ibang bayan.
Samantala, patuloy ang paghihigpit at pagbabantay ng mga tauhan ng Romblon Police Provincial Office sa mga kalsada sa buong Romblon para maiwasan ang mga aksidente at krimen ngayong Semana Santa 2018.
