Bilang bahagi ng paglaban sa iligal na droga ng Romblon Police Provincial Office (PPO), nagsagawa sila nitong October 14 ng dance competition para sa mga kabataan.
Tinawag itong “Indak-Sayaw Laban sa Droga”.
Dinaluhan ang nasabing dance competition nina Police Senior Supirentendt Juan Anonuevo, Romblon Provincial Director; Police Supt. Raquel Martinez, Chief PCR; ilang bisita mula sa Romblon State University, Romblon National High School, Agnipa National High School; bisita mula sa LGU Romblon, Governor's Office at Office of the Vice Governor; at ang apat na grupo na sasali sa competition na nangaling lahat sa bayan ng Romblon, Romblon.
Dumalo rin sa nasabing event si Mayor Mariano Mateo ng Romblon, Romblon upang magbigay ng mensahe. Pinasalamatan at pinuri nito ang effort ng Romblon Police Provincial Office (PPO) sa pagsugpo sa iligal na droga sa kanyang bayan, gayun na rin sa buong lalawigan ng Romblon.
Sa pagtatapos, itinanghal na panalo sa nasabing competition ang grupong Cool Guys; 1st Place naman ang grupong 99 Beat Boys; habang 2nd Place ang Agent Crew, at 3rd Place ang Black Pink.
