Aabot sa 1.5 hectare na lupain na may kasamang residential lot at building ang ipinagkaloob ng pamilya nina Ismael at Eleanor Fabicon sa National Museum of the Philippines nitong Martes, September 20, bilang pagpupugay sa mga magulang ni Ismael na sina Luis and Felipa Fabicon.
Ang pagdonate umano ng mga nasabing lupa ay makakatulong upang ma-preserve ang heritage ng Banton Island, mga kweba at material culture.
Sinabi ng National Museum of the Philippines na magtatayo sila ng museum sa lugar, at magtatayo rin ng field station para makatulong sa pag conserve ng natural at built heritage sa lugar kasama na ang mga fort at watchtowers.
Kilala ang Banton Island sa lalawigan ng Romblon dahil sa history ng lugar at sa pagkilala ng National Museum of the Philippines sa Guyangan Cave System bilang important cultural property at sa Ikat Burial Shroud kung saan ngayon ay isa ng national cultural treasure.
Ang nasabing ceremony ay dinaluhan ng mga opisyal ng National Museum of the Philippines, representative ni Governor Eduardo Firmalo na si Ms. Myla Villegas, Ms. Kharen Fortu ng Uswag Bantoon, Director James Fadrilan ng DILG MIMAROPA, Decoroso Fadri ng ASCCA, at former DOLE Undersecretary Nicon Fameronag.
Nagpapasalamat naman ang National Museum of the Philippines sa pamilya Fabicon dahil sa ibinigay nila para sa bansa at sa pagtitiwala sa kanila.
