Ginagawan na umano ng paraan ng Philippine National Bank ang kanilang automated teller machine o ATM sa bayan ng Romblon, Romblon matapos maraming nag reklamong mga gumamit nito na di umanoy nanakawan ng pera ang mga inilagay nilang ATM Cards.
Sa text message ni Alvin Lista ng PNB Group na nakakasakop sa PNB Romblon Branch, dalawa nalang sa 14 na ATM Card holders ang hindi nila naayos ang problema sa kanilang atm cards.
Sa post sa Facebook ni Roberto Madera, isang empleyado ng Provincial Government at dating nag tatrabaho sa bank, sinabi umano ni Lista na sa mga susunod na araw ay kanila ng maayos ang problema ng dalawa pang atm card holders.
Matatandaang nitong nakaraang linggo, ibinalita ng Romblon News Network ang problema ng ilang atm card holders sa Romblon, Romblon at Sibuyan Island.
