by Lyle Formilleza, Romblon News | Wednesday, 20 April 2016
Nanatiling tahimik ang kampo ni Romblon Mayor Gerard Montojo patungkol sa issue na lumabas sa pahayagang Philippine Daily Inquirer na isinulat ng batikang manunulat na si Ramon Tulfo laban sa kanyang asawa.
Ngunit sa election rally ni Montojo sa Barangay Malilico sa Odiongan nitong nakaraang araw, April 18, sinabi ni Montojo sa Romblon News Network na hindi umano magagawa ng kanyang asawa ang mga isinulat ni Tulfo.
Ayon sa isinulat ni Tulfo, ginamit umano ng misis ni Montojo ang kanyang pangalan upang mabigyan ng special treatment sa barko ng 2Go Travel ang dalawang pulis.
Tanong ni Tulfo, bakit kailangan gumamit ng pekeng designations ang mga ito para lang mabigyan ng special treatment sa barko.
