Maliban sa bayan ng Odiongan, Romblon kung saan naitala ang epicenter ng magnitude 4.8 na lindol nitong Sabado ay naramdaman rin ito hanggang sa bayan ng Ferrol, Romblon.
Sa panayam ng PIA Romblon kay Mayor Christian Gervacio, sinabi nito na sa pag-iikot ng Municipal Disaster Risk Reduction and Management Office (MDRRMO) ng Ferrol ay nakakita sila ng mga bahay at gusali na nagkaroon ng cracks dahil sa lindol.
Aniya, wala namang naitala sa bayan na tuluyang nasirang bahay maliban sa isang reported na bumigay umano ang kusina dahil sa kalumaan.
Sinabi rin ni Gervacio na maging ang mga resorts ay naapektuhan rin ng lindol.
Magsasagawa umano ng inspection ang Municipal Engineering Office para malaman ang integridad ng mga apektadong gusali.
