Ibinahagi ng Philippine Statistics Authority na umakyat sa 5.1 percent ang inflation rate sa probinsya ng Romblon para sa buwan ng Enero sa kasalukuyang taon.
Mas mataas ito ng 1.1% kumpara sa nakaraang buwan.
Ayon kay Engr. Johnny Solis, Chief Statistical Specialist ng PSA Romblon, ang Food at Non-Acoholic Beverages ang isa sa pangunahing dahilan kung bakit tumaas ang inflation rate sa probinsya lalo na ang pag-akyat sa 22.9% sa presyo ng Sibuyas at 27% sa presyo ng mga isda.
May nakita ring pagtaas sa presyo ng asukal, sigarilyo, alak, kitchen applianes, at ilang household goods.
Iniulat rin ng PSA Romblon na bumaba sa P0.81 ang purchasing power ng peso nitong Enero matapos tumaas sa 123.1 ang consumer price index (CPI).
Sa buong rehiyon ng Mimaropa, Romblon parin ang probinsya na may pinakamababa ng inflation rate. (PJF)
