Patuloy na makakaranas ng maulap na kalangitan na may kalat-kalat na pag-ulan at pagkidlat-pagkulog ang Romblon ngayong Linggo dahil sa umiiral na southwest monsoon o habagat, ayon sa Philippine Atmospheric, Geophysical and Astronomical Services Administration (PAGASA).
Bagama't tuluyan nang lumalayo ang Typhoon Noul (dating Kiyapo) sa Philippine Area of Responsibility (PAR), sinabi ng PAGASA na hindi na ito direktang nakaaapekto sa bansa.
Sa pinakahuling weather bulletin, namataan ang bagyo sa layong 745 kilometro kanluran-hilagang kanluran ng Itbayat, Batanes, taglay ang lakas ng hanging aabot sa 140 kilometers per hour (kph) at pagbugsong hanggang 195 kph, habang kumikilos pahilagang-kanluran sa bilis na 20 kph.
Gayunman, patuloy na pinalalakas ng habagat ang tsansa ng pag-ulan sa malaking bahagi ng Luzon at ilang bahagi ng Visayas, kabilang ang Romblon.
Nagbabala ang PAGASA na ang katamtaman hanggang malakas na pag-ulan ay maaaring magdulot ng flash floods o landslides, lalo na sa mga lugar na bulnerable sa pagbaha at pagguho ng lupa.
Samantala, inaasahan ang mahina hanggang katamtamang lakas ng hangin at banayad hanggang katamtamang pag-alon sa karagatan sa Romblon at iba pang bahagi ng Luzon, Visayas, at Mindanao.
Discussion about this post