May bagong housemate na dapat abangan ang mga Romblomanon sa pagpasok ng half-Romblomanon na si Ronnie Pasamba, na pinakilala bilang ang Varsity Cutie ng Bulacan, sa reality television show na Pinoy Big Brother (PBB) Collab 3.0.
Bagama't kinikilala si Ronnie bilang isang Bulakenyo, mayroon din siyang dugong Romblomanon sa panig ng kaniyang ina na si Jennifer Fabello, na nagmula sa bayan ng Odiongan, Romblon.
Dahil dito, inaasahang magiging bahagi rin ng kaniyang suporta ang mga kababayan ng kaniyang ina sa Romblon habang sisimulan niya ang kaniyang paglalakbay sa loob ng bahay ni Kuya.
Sa kaniyang pagpasok sa PBB Collab 3.0, bitbit ni Ronnie ang kaniyang Bulakeño at Romblomanon roots sa loob ng bahay ni Kuya, kung saan inaasahang maipapakita niya ang kaniyang personalidad, talento, at determinasyon.
Samantala, nananawagan ang mga tagasuporta mula sa Romblon na makiisa sa pagsuporta sa binata at ipakita ang pagmamalaki sa kaniyang Romblomanon heritage.
Mula Bulacan hanggang Romblon, abangan ang magiging kuwento at karanasan ni Ronnie Pasamba sa loob ng bahay ni Kuya.


























