Naibaba na ang pondong inilaan para sa pagpapatayo ng bagong Legislative Building ng Sangguniang Panlalawigan ng Romblon na magsisilbi ring opisina ng bise gobernador at mga miyembro ng Sanggunian.
Ayon kay Governor Trina Alejandra Q. Firmalo-Fabic, nagmula ang pondo sa tanggapan ni Senator Erwin Tulfo bilang bahagi ng pangakong iniwan nito nang bumisita sa Romblon noong Oktubre ng nakaraang taon.
Tinatayang aabot sa ₱130 milyon ang pondong inilaan para sa konstruksyon ng bagong gusali.
Inaasahang isasailalim sa bidding process ang proyekto sa susunod na buwan habang target naman itong matapos sa susunod na taon.
Kapag natapos, magsisilbi ang gusali bilang pangunahing tanggapan ng Sangguniang Panlalawigan kabilang ang opisina ng vice governor at mga board members ng lalawigan.
Discussion about this post