Ipinatupad na ang pagtaas ng pamasahe sa mga biyahe ng 2Go Travel sa rutang Odiongan–Batangas, Odiongan–Caticlan (vice versa), at Batangas–Odiongan simula noong April 18, 2026.
Batay sa inilabas na fare matrix, umabot na sa ₱1,805 ang ordinary full fare mula Odiongan patungong Batangas, habang ₱2,284 naman sa tourist class at ₱2,494 sa cabin accommodation. May kasama ring libreng pagkain ang naturang biyahe.
Sa rutang Odiongan–Caticlan, nasa ₱699 ang ordinary full fare, ₱755 sa tourist class, at ₱980 sa cabin. Samantala, sa biyahe mula Batangas pabalik ng Odiongan, ₱1,789 ang ordinary fare, ₱2,212 sa tourist, at ₱2,478 sa cabin, na walang kasamang meal.
Saklaw din ng bagong pamasahe ang mga diskwento para sa estudyante, senior citizen, at persons with disability (PWD), pati na rin ang mga batang pasahero at sanggol.
Ayon sa advisory, maaaring magbago ang mga presyo nang walang paunang abiso.
Ang pagtaas ng pamasahe ay kasunod ng pagtaas ng presyo ng krudo na nakaapekto sa operasyon ng mga barko sa iba’t ibang ruta sa bansa.
Discussion about this post