Personal na pinangunahan ni Cong. Eleandro Jesus Madrona ang inspeksyon sa ilang bahagi ng kalsada sa Bayan ng Romblon bilang paghahanda sa pagsisimula ng pagsasaayos ng mga ito.
Kasama niya si Romblon Mayor Gerard Montojo, Chief of Staff Denon Madrona, at mga kinatawan ng Department of Public Works and Highways Romblon District Engineering Office.
Kabilang sa ininspeksyon ang bahagi ng Sitio Sampaloc, Brgy. Agpanabat patungong Sitio Aglumyom, Brgy. Sablayan Road, at ang Agnaga–Calabogo–Lamao Provincial Road.
Nakapaloob ang pondo para sa mga proyektong ito sa 2026 General Appropriations Act of 2026, kasama ang mga kalsadang nauna nang nabisita tulad ng Manhac, Looc patungong Poblacion, Sta. Fe at Mat-I, Sta. Fe patungong Agojo, Looc.
Bagama’t klasipikado bilang provincial roads ang mga naturang kalsada, ginamit ang pondo ng pambansang pamahalaan upang maisakatuparan ang rehabilitasyon at mapabuti ang kondisyon ng biyahe sa mga apektadong lugar.
