Tumanggap ng 575 packets ng iba’t ibang binhi ng gulay at mga kagamitang panggugulayan ang samahang Pawikan “Pangalagaan, Wastohin, Paggamit ng Kalikasan” sa bayan ng Banton, Romblon bilang suporta sa kanilang Vegetable Production Project sa ilalim ng SAAD Program Phase 2.
Sa kabuuan, umaabot sa Php 445,083.35 ang halaga ng mga natanggap nilang interbensyon mula sa Department of Agriculture–Special Area for Agricultural Development (DA-SAAD) MIMAROPA.
Malugod itong tinanggap ng grupo sa isang awarding ceremony na ginanap kamakailan sa Barangay Banice, na pinangasiwaan ni Jhoanna Kay F. Fedelin, Community Development Officer II.
Nagpaabot ng pasasalamat ang samahan sa SAAD Program sa pamamagitan ng kanilang pangulo na si Gng. Charibeth F. Inovejas.
Tiniyak ng grupo ang kanilang buong dedikasyon at malasakit upang mapalago ang proyektong ipinagkaloob ng programa.
