Nasa Odiongan, Romblon na ang halos 4,500 delegasyon mula sa iba't ibang panig ng lalawigan para sa 2025 Provincial Athletic Meet na magsisimula ngayong Pebrero 2.
Ayon sa datos ng Department of Education – Schools Division Office of Romblon, aabot sa 14 na unit ang sasali sa palaro na tatagal hanggang Pebrero 5. Handa na rin ang mga pasilidad na gagamitin para sa mga kompetisyon.
Bukod dito, tiniyak ng pamahalaang lokal ng Odiongan na tututukan nila ang lahat ng tirahan ng mga delegasyon upang masigurong komportable ang mga ito sa kanilang pananatili sa bayan.
Bilang pagpapasigla sa mga bisita, muling binuksan ng LGU Odiongan ang kanilang night market para magsilbing pampalipas-oras tuwing gabi.
