Mga Barangay Tanod sa Romblon, tatanggap ng allowance para sa 2024

Tumanggap ng kanilang taunang allowance ang 409 barangay tanod sa bayan ng Romblon mula sa pamahalaang panlalawigan noong Disyembre 18, 2024.

Ang pamamahagi ng allowance ay bahagi ng programa ng probinsya upang mabigyan ng suporta ang mga sektor na nagtatrabaho para sa gobyerno ngunit hindi tumatanggap ng regular na sahod.

Ayon sa pamahalaang panlalawigan, ang naturang payout ay isasagawa rin sa iba pang bayan sa lalawigan ng Romblon upang masigurong lahat ng barangay tanod sa probinsya ay mabibigyan ng nararapat na benepisyo.

Pinangunahan ni Governor Jose Riano at Vice Governor Arming Gutierrez ang pamamahagi sa nasabing allowance.