Nakatanggap ng P1,000 na internet allowance ang mga guro sa bayan ng Cajidiocan kahapon kasabay sa paggunita at pagdiriwang ng bayan sa World Teachers’ Day.
Ayon kay Cajidiocan Mayor Greggy Ramos, may 300 hanggang 400 silang guro sa elementarya at sekondarya sa kanilang bayan ang nakatanggap ng allowance na ito.
Sinabi ng alkalde na pasasalamat ito ng local government sa sakripisyo ng mga guro.
Dagdag pa nito, maganda umano at nabibigyan sila ng pasasalamat para maipakita sa kanila ang kanilang importansya kasi malaki umano ang ambag ng mga guro sa kanilang bayan.
Sa paggunita ng World Teachers’ Day sa Cajidiocan, nagkaroon ng parada paikot ng bayan ang mga guro at nagkaroon rin ng programa sa plaza kung saan binigyang pugay ang mga guro sa kanilang pagsisilbi sa bayan.
