Nagsimula na sa bayan ng Romblon, Romblon nitong May 4 ang ilang events ng Mimaropa Regional Athletic Association Meet kabilang na ang Swimming at Archery.
Sinalihan ito ng mga atleta mula sa Oriental at Occidental Mindoro, Palawan, Marinduque at Romblon, at ang mga siyudad ng Puerto Princesa at Calapan.
Magtatagal ang kompetisyon na ginaganap sa Romblon Lagoon Park hanggang May 6.
May 23-26 naman gaganapin ang iba pang laro ng Mimaropa RAA Meet sa parehong bayan.
Masaya namang sinalubong ni Romblon mayor Gerard Montojo ang mga delegasyon at sinabing swerte ang mga ito dahil sila ang unang gagamit ng standard-sized swimming pool na pinagawa ng probinsya.
