Isang lalaki na pasahero ng M/V Del Rosario ng Montenegro Shipping Lines ang tumalon sa dagat na bahagi ng Batangas nitong gabi ng October 10.
Ayon sa mga saksi, nakita nilang ang lalaki na lumapit sa gilid ng barko at maya-mayang biglang tumalon sa dagat.
Biyaeng Batangas patungong Odiongan, Romblon ang barko na sinasakyan ng lalaki.
Mahigit dalawang oras na pinaghahanap ang lalaki ng mga crew ng M/V Del Rosario hanggang sa makipag-ugnayan sa kanila ang mga tripulante ng Starlite Ferries dahil namataan umano ng kanilang barko ang lalaki.
Sa tulong ng Coast Guard Calapan, nailigtas at naibalik sa barko ang nasabing lalaki.
Hindi pa malinaw kung ano ang dahilan ng lalaki kung bakit ito tumalon sa barko.
Patuloy na iniimbestigahan ang insidente.
