Opisyal nang nakapanumpa bilang bagong pinuno o Senate President si Senator Juan Miguel Zubiri ngayong umaga sa pagbubukas ng 19th Congress.
Si Zubiri ay dating Majority Floor Leader mula 2008 hanggang sa katatapos na 18th Congress.
Anim na senador ang nagnomina kay Zubiri at wala siyang naging katunggali at wala ring kumontra sa kanyang nominasyon.
Ayon sa mga kasamahan ni Zubiri sa Senado, siya ang pinakakuwalipikado sa posisyon.
Samantala, opisyal na ring nahalal bilang Senate Minority Leader si Senator Koko Pimentel. Silang dalawa ni Senator Risa Hontiveros ang bubuo sa Minority bloc ng Senado.
Si Senator Joel Villanueva naman ay naihalal bilang bagong chairman ng Senate Committee on Rules. Base sa Senate Rules, siya rin ang uupong Senate Majority Floor Leader ayon kay Senate President Miguel Zubiri.
Si Atty. Renato Bantug Jr, naman ang nahalal bilang bagong senate secretary.
Ang magkapatid na Senador na sina Alan Peter at Pia Cayetano ay hindi naman nakibahagi sa anumang botohan ng senate president o ng minority leader. Ibig sabihin nito ay sila ang bubuo sa ikatlong bloc ng senado, ang independent bloc. (PIA-NCR)
