May aabot sa 121 na estudyante ng Romblon State University Main Campus sa Odiongan, Romblon ang nabakunahan nitong October 29 sa ginanap na RSU Resbakuna Marathon.
Samantala, may 15 na faculty rin at 7 na mga kasama nila ang nabakunahan rin sa bakunahang inorganisa ng Romblon State University at Provincial Health Office at LGU Odiongan.
Nauna ng sinabi ni Dr. Merian Mani, presidente ng RSU, na layunin ng pamantasan na mabakunahan ang 70% ng 17,287 na estudyante nila para muling makabalik sa face to face (F2F) classes.
Kailangan rin umanong mabakunahan ang 100% ng 823 faculty and non-teaching staff ng pamantasan para payagan sila ng Commission on Higher Education.
Ang Resbakuna Marathon ay inaasahng iikot sa iba't ibang campus ng Romblon State University sa buong lalawigan.
