Nadagdagan ng dalawang kaso ang bilang ng mga tinamaan ng coronavirus disease 2019 o Covid-19 sa probinsya ng Romblon matapos magpositibo sa virus ang dalawang frontliner mula sa Romblon District Hospital (RDH) ngayong araw.
Sa ulat ng Romblon Rural Health Unit (RHU), ang dalawa ay pawang mga babae at mga asymptomatic naman ang lagay.
Batay sa tala ng Romblon RHU ngayong Linggo, ika-13 ng Disyembre, may kasalukuyang 15 na aktibong kaso ng Covid-19 sa bayan habang 43 naman ang gumaling na at 3 ang nasawi.
Sila na ang ika-98 at ika-99 kaso ng Covid-19 sa probinsya.
Muling pinapaalala ng mga otoridad na sundin ang mga ipinatutupad na health protocols ng Department of Health katulad ng palagiang paghuhugas ng kamay, pagsusuot ng face masks at face shield sa tuwing lalabas, at pagkakaroon ng social distancing sa iba.
