Arestado ang isang high value individual sa bayan ng Romblon, Romblon matapos itong mabilhan di umano ng mga operatiba ng gobyerno ng sachet na may lamang pinatuyong dahon ng marijuana.
Kinilala ang suspek na si Shaorin Mangao Atanoc, 20 taong gulang at residente ng Barangay Capaclan.
Ang operasyon ay ikinasa kagabi ng mga tauhan ng Romblon Municipal Police Station, Philippine Drug Enforcement Agency, CIT, RID, Provincial Drug Enforcement Unit ng Romblon Police Provincial Office.
Ayon sa ulat mula sa Romblon Police Provincial Office, sa pagkakapkap rin sa suspek ay nakuha sa kanya ang dalawang stick ng yosi na pinaghihinalaang may laman ring pinatuyong dahon ng marijuana.
Agad na dinala ang suspek sa Romblon Municipal Police Station para ikulong habang inihahanda ang isasampang kaso laban rito habang ang mga narekober sa suspek na mga gamit ay dadalhin sa crime laboratory sa Odiongan para suriin.
Mahaharap ang nasabing suspek sa kaukulang kaso.
