Mas lalong lumakas ang bagyong Quinta habang ito ay lumalapit sa kalupaan sa bahagi ng Catanduanes-Albay-Sorsogon area, ayon sa weather bulletin ng Philippine Atmospheric, Geophysical and Astronomical Services Administration (Pagasa) alas-8 ng umaga ng October 25.
Posibleng mag-landfall si Quinta ngayong hapon o mamayang gabi bago tatawirin ang Southern Luzon hanggang bukas.
Taglay na ngayon ni Quinta ang lakas ng hangin na aabot sa 75km/h malapit sa gitna at bugsong aabot sa 90km/h.
Dahil dito, itinaas na ng Pagasa ang Tropical Cyclone Wind Signal #2 sa ilang probinsya sa bansa kabilang na Romblon.
Nakataas ang Signal #2 sa Catanduanes, Camarines Norte, Camarines Sur, Albay, Sorsogon, northern portion ng Masbate (Milagros, Masbate City, Mobo, Baleno, Aroroy, Mandaon, Uson) kasama ang Burias and Ticao Islands, central and southern portions ng Quezon (Mauban, Sampaloc, Lucban, Dolores, Candelaria, Tiaong, San Antonio, Sariaya, Tayabas City, Lucena City, Pagbilao, Atimonan, Perez, Alabat, Calauag, Quezon, Tagkawayan, Guinayangan, Lopez, Pitogo, Plaridel, Gumaca, Unisan, Agdangan, Padre Burgos, Macalelon, Catanauan, General Luna, Buenavista, San Narciso, Mulanay, San Andres, San Francisco), eastern portion ng Batangas (Padre Garcia, Rosario, Ibaan, Batangas City, Lobo, Taysan, San Juan), Marinduque, Romblon, Oriental Mindoro, at Northen Samar.
Signal #1 namang ang nakataas sa mga probinsya ng Occidental Mindoro, natitirang bahagi ng Quezon, Laguna, Rizal, natitirang bahagi ng Batangas, Cavite, Metro Manila, Manila, Bulacan, Pampanga, Bataan, southern portion ng Zambales (San Marcelino, San Felipe, San Narciso, Castillejos, Subic, San Antonio, Olongapo City, Botolan, Cabangan), Calamian Islands, northern portion ng Samar (Calbayog City, Matuguinao, Tagapul-An, Santo Nino, Almagro, Santa Margarita, Gandara, San Jose de Buan, Pagsanghan, Tarangnan, San Jorge, Catbalogan City, Jiabong, Motiong, Paranas), northern portion ng Eastern Samar (Maslog, Jipapad, Arteche, San Policarpo, Oras, Dolores, Can-Avid, Taft), northern portion of Capiz (Sapi-An, Ivisan, Roxas City, Panay), Aklan, at ang northern portion ng Antique (Caluya, Libertad, Pandan, Sebaste, Culasi).
Huling namataan ng Pagasa ang sentro ng bagyong Quinta sa layong 265 km East ng Virac, Catanduanes at gumagalaw patungong Westward sa bilis na 20km/h.
