Umabot na sa 85 ang bilang ng mga taong lumabag sa mga pinapairal na batas kaugnay sa enhanced community quarantine sa lalawigan ng Romblon, batay ito sa taya ng Romblon Police Provincial Office, simula ng March 17 hanggang April 26.
Pinakamarami rito ay naitala sa bayan ng Alcantara kung saan umabot ng 17 ang lumabag, at 3 rito ay nakasuhan na at 14 ang kakasuhan palang
Sinundan ito ng Odiongan na may 16 na lumabag kung saan 1 ang nakasuhan, at 12 ang kakasuhan palang.
Umabot naman sa 15 ang lumabag sa bayan ng Romblon, na sinundan naman ng Sta. Fe na may 12 at San Agustin na may 6.
Wala namang naitalang lumabag sa mga bayan ng Banton, Concepcion, Corcuera, Ferrol, at San Fernando.
