Pinailawan na nitong Huwebes ang Giant Christmas Tree ng bayan ng Odiongan, Romblon na matatagpuan sa Odiongan Children’s Park and Paradise sa sentro ng bayan.
Pinangunahan ang pagpapailaw nina mayor Trina Firmalo-Fabic, vice mayor Diven Dimaala kasama ang mga sangguniang bayan member ng Odiongan.
Ang Christmas Tree na may taas na mahigit 29 feet ay pinuno ng halos 150 na set ng christmas lights para tumingkad ang kulay nito para maging elegante.
ADVERTISEMENT
Maliban sa Christmas Tree atraksyon rin ang tunnel of lights at iba pang Christmas decoration sa loob ng parke.
Dagdag saya rin sa pailaw ang handog na awit at sayaw ng mga kawani ng lokal na pamahalaan ng Odiongan, at ang isang live band para sa mga bisita.
