Nahalal bilang bagong Deputy – Secretary General for Luzon (South) ng League of Provinces of the Philippines (LPP) si Romblon Governor Jose Riano sa ginanap na halalan sa Crowne Plaza Galleria kamakailan.
Ang LPP ay isang organisasyon ng mga lalawigan na kinakatawan ng mga gobernador kung saan pinag-uusapan ang mga isyung may kinalaman sa pag-unlad ng kanilang mga nasasakupan.
Maliban kay Riano, nahalal rin sa LPP bilang National President at regional chairman ng Mimaropa si Marinduque Governor Presbitero J. Velasco Jr., habang isa sa dalawang Vice President for Luzon at napiling Board Member at Large naman si Oriental Mindoro Governor Humerlito A. Dolor.
Kabilang naman si Palawan Governor Jose Ch. Alvarez sa Council of Advisers.
Sina Governor Riano ay nahalal sa kauna-unahang General Assembly ng LPP para sa mga terminong 2019-2022 kamakailan kung saan 61 gobernador ang dumalo.
Mababasa sa ibaba ang iba pang nahalal na opisyal ng LPP: Quirino Gov. Dakila Carlo E. Cua (National Chairman); Tarlac Gov. Susan A. Yap (Executive Vice President); Bataan Gov. Albert Raymond S. Garcia (Vice-President for Luzon); Aklan Gov. Florencio T. Miraflores (Vice President for Visayas); Zamboanga Sibugay Gov. Wilter T. Palma (Vice-president Mindanao); at Davao Oriental Gov. Nelson L. Dayanghirang (secretary-general)
Bukod kay Governor Velasco, ang iba pang mga miyembro ng National Executive Board ay sina: Abra Gov. Maria Jocelyn V. Bernos (CAR); Ilocos Sur Gov. Ryan Luis V. Singson (Region I); Quirino Gov. Dakila Carlo E. Cua (Region II); Tarlac Gov. Susan A. Yap (Region III); Batangas Gov. Hermilando I. Mandanas (Calabarzon); Albay Gov. Al Francis C. Bichara (Region V); Aklan Gov. Florencio T. Miraflores (Region VI); Siquijor Gov. Zaldy S. Villa (Region VII); Leyte Gov. Leopoldo Dominico L. Petilla (Region VIII); Zamboanga Sibugay Gov. Wilter Y. Palma (Region IX); Camiguin Gov. Jurdin Jesus Romualdo (Region X); Compostela Valley Gov. Jayvee Tyron Uy (Region XI); Cotabato Gov. Nancy A. Catamco (XII); Surigao Del Norte Gov. Francisco T. Matugas (Caraga); at Lanao Del Sur Gov. Mamintal A. Adiong Jr.(BARMM)
Makakasama ni Eastern Samar Gov. Ben Evardone ang mga gobernador na sina Dolor, Dayanghirang at Garcia bilang mga Board Member at Large.
Ang iba pang mga opisyal ng LPP ay sina: Lanao Del Norte Gov. Imelda Q. Dimaporo (Treasurer); Batanes Gov. Marilou H. Cayco (Assistant Treasurer); Cotabato Governor Catamco (Assistant Treasurer); Abra Governor Bernos (Auditor); Ilocos Norte Gov. Matthew Marcos Manotoc (Deputy Secretary-General for Luzon (North); Iloilo Gov. Arthur R. Defensor Jr. (Deputy Secretary-General For Visayas); at Compostela Valley Governor Uy (Deputy Secretary-General For Mindanao).
Bukod kay Goverrnor Gadiano, ang iba pang Publications and Public Information Officers ay sina Apayao Gov. Eleanor C. Bulut –Begtang Luzon (North) at Camiguin Governor Romualdo (Mindanao). Si Bohol Gov. Arthur C. Yap naman ang Investment Promotion Officer.
Kasama ni Palawan Governor Alvarez sa Council of Advisers sina: Quezon Gov. Danilo E. Suarez; Nueva Vizcaya Gov. Carlos Padilla; Cavite Gov. Juanito Victor C. Remulla Jr.; Dating Laguna Governor Jose “Joey” Lina Jr. at dating Ilocos Norte Governor at ngayo’y Senadora Imee R. Marcos. (Lyndon Plantilla/LPP)
