Muli nanamang makikita sa national competition ang gandang taglay ng mga taga-Romblon ngayong taon matapos na ipakilala ang isang Romblomanon bilang isa sa mga kalahok ng Miss Philippines Earth 2019.
Dadalhin ni Dani Acuña ang pangalan ng bayan ng Romblon, Romblon sa nasabing prestigious pageant.
Si Acuña ay advocate ng Responsible Tourism lalo na sa mga kabataang mahilig mag-travel.
“I make sure to try and set an example by bringing my own tumbler, reusable utensils, and even food containers when going to the beach. Using less single-use plastic items is a great way to leave a smaller carbon footprint,” ayon sa Facebook post ni Acuña.
Umuwi ng Romblon, Romblon si Acuña nitong nakaraang Linggo para mag-courtesy call kay Mayor Mariano Mateo, at sa ilang opisyal ng bayan ng Romblon, Romblon.
Todo naman ang suporta sa social media ng mga taga-Romblon kay Acuña.
