Ang Romblon News Network (RNN) ang kauna-unahang online media network sa lalawigan ng Romblon na patuloy na pinagkakatiwalaan ng mga Romblomanons sa loob at labas ng lalawigan. Ang RNN ay regular na kabahagi rin ng iba’t ibang ahensya ng ating Pamahalaan sa pagpapalaganap ng mga makabuluhang impormasyon para sa mga mamamayan, hindi lang sa lalawigan ng Romblon kundi ng mga karatig lalawigan sa buong MIMAROPA region.
Ang RNN 2018 Web Statistics na nagpapakita ng halos 1 million unique visitors, 2 million visits, at mahigit 42 million hits ay nagpapatunay lamang ng mataas na pagtitiwala at pagtangkilik ng mga Romblomanons sa buong mundo.
Ang RNN ay taos-pusong nagpapasalamat sa inyo mga kababayan sa inyong patuloy na pagtitiwala sa nagdaang taon 2018. Dahil dito, ang RNN News Team ay patuloy na magbabalita nang patas, makatotohanan, walang kinikilingan at may paninindigan.
Inaasahan po ng RNN ang inyong lubos pang pagtitiwala at pagtangkilik ngayong taong 2019.
Mabuhay po ang Lalawigan ng Romblon at ang lahat ng mga Romblomanons.
